ಶಿವಮೊಗ್ಹ,ಸೆ.07:
ಮೊನ್ನೆಯಷ್ಟೆ ಶಿವಮೊಗ್ಗದಲ್ಲಿ ಈ ಬಾರಿಯ ಅತ್ಯುತ್ತಮ ಜಿಲ್ಲಾ ಪ್ರಶಸ್ತಿ ಪುರಸ್ಕೃತರಾದ ಪ್ರಸಕ್ತ ಪ್ರೌಢಶಾಲಾ ಶಿಕ್ಷಕ ತ್ರಯಂಬಕ ಮೂರ್ತಿಯವರು ಇನ್ನಿಲ್ಲ
ಅವರು ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಐಹೊಳೆಯ ಮುಖ್ಯ ಶಿಕ್ಷಕರಾಗಿ
ಹಾಗೂ ಇತ್ತೀಚಿಗೆ ಪ್ರೌಢಶಾಲಾ ಸಹಶಿಕ್ಷಕರ ಆಗಿ ಬಡ್ತಿ ಪಡೆದವರಾಗಿದ್ದರು.
ಪತ್ನಿ, ಓರ್ವ ಪುತ್ರಿ ಸೇರಿದಂತೆ ಅಪಾರ ಬಂಧುಬಳಗವನ್ನು ಬಿಟ್ಟು ಅಗಲಿರುವ ಸ್ನೇಹ ಜೀವಿ ಶಿಕ್ಷಕ ಮೂರ್ತಿ ಅವರು ಇಂದು ಸಂಜೆ 5 ಗಂಟೆಗೆ ದೈವಾಧೀನರಾಗಿದ್ದಾರೆ.
ಸಿಆರ್ ಪಿ ಆಗಿ ಸಾಕಷ್ಟು ಶಾಲೆಗಳ ಅಭಿವೃದ್ದಿಗೆ, ಮಕ್ಕಳ ಶ್ರೇಯಸ್ಸಿಗೆ ಶ್ರಮಿಸಿದ್ದ ಶಿಕ್ಷಕ ಮೂರ್ತಿ ಸರಳ ಸಜ್ಜನಿಕೆಯ ಆತ್ಮೀಯ ಶಿಕ್ಷಕರಾಗಿದ್ದರು.
ಮೃತರ ಅತ್ಮಕ್ಕೆ ಚಿರಶಾಂತಿ ಕೋರಿರುವ ಶಿಕ್ಷಕರು ಅವರ ಕುಟುಂಬಕ್ಕೆ ದುಃಖ ಭರಿಸುವ ಶಕ್ತಿಯನ್ನು ಭಗವಂತ ನೀಡಲಿ ಎಂದು ಪ್ರಾರ್ಥಿಸಿದ್ದಾರೆ.
