ಅಪಘಾತ/ ಬೈಕ್ ಸವಾರನ ಮೇಲೆಯೇ ಬೈಕ್ ಬಿತ್ತು, ಸವಾರ ಸಾವು

ಶಿವಮೊಗ್ಗ,ಆ.17:
ತೀರ್ಥಹಳ್ಳಿ ತಾಲ್ಲೂಕು ಮಾಳೂರು ಪೊಲೀಸ್ ಠಾಣಾ ವ್ಯಾಪ್ರಿಯ ರಾಷ್ಟ್ರೀಯ ಹೆದ್ದಾರಿಯಲ್ಲಿನ ತೂದೂರು ಸಮೀಪ ಗಬಡಿ ರೈಸ್ ಮಿಲ್ ಎದುರು ಬೈಕ್ ಅಪಘಾತವಾಗಿದ್ದು, ದುರಾದೃಷ್ಟವಶಾತ್ ಬೈಕ್ ಸವಾರನ ಮೇಲೆಯೇ ಬಿದ್ದುದ್ದರಿಂದ ಆತ ಸಾವು ಕಂಡ ಘಟನೆ ನಡೆದಿದೆ.
ತೀರ್ಥಹಳ್ಳಿಯಿಂದ ಶಿವಮೊಗ್ಗಕ್ಕೆ ಹೋಗುವ ರಾಷ್ಟ್ರೀಯ ಹೆದ್ದಾರಿಯಲ್ಲಿರುವ ತೂದೂರು ಸಮೀಪ ಗಬಡಿ ರೈಸ್ ಮಿಲ್ ಎದುರು ಇಂದು ಬೆಳಗ್ಗಿನ ಜಾವ ಈ ದುರಂತದ ಘಟನೆ ನಡೆದಿದೆ.

ರಸ್ತೆ ಬದಿಯ ಹೊಂಡಕ್ಕೆ ಬೈಕ್ ಬಿದ್ದಿದ್ದು ಬೈಕ್ ಸವಾರ ಸ್ಥಳದಲ್ಲೇ ಮೃತ ಪಟ್ಟಿದ್ದಾರೆ. ಮೃತ ವ್ಯಕ್ತಿಯನ್ನ 37 ವರ್ಷದ ರವಿನಾಯ್ಕ್ ಎಂದು ತಿಳಿದು ಬಂದಿದೆ. ನಳಿನ್ ಕೊಪ್ಪದ ನಿವಾಸಿಯಾಗಿರುವುದಾಗಿ ತಿಳಿದು ಬಂದಿದೆ.
ರಸ್ತೆ ಬದಿಗೆ ಹೊಂಡದ ಬದಿ ಬಿದ್ದ ರವಿನಾಯ್ಕ್ ಮೇಲೆ ಬೈಕ್ ಬಿದ್ದಿದೆ.ಮಾಳುಾರು ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಘಟನೆ ನಡೆದಿದ್ದು ಪಿಎಸ್ಐ ನವೀನ್ ಕುಮಾರ್ ಮಠಪತಿ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದ್ದಾರೆ.