ಶಿವಮೊಗ್ಗ, ಆ.16:
ಶಿವಮೊಗ್ಗ ಪ್ಲೆಕ್ಸಿ ಹಾಗೂ ಚಾಕು ಇರಿತಕ್ಕೆ ಸಂಬಂಧಪಟ್ಟಂತೆ ಎರಡು ಪ್ರಕರಣಗಳು ದಾಖಲಾಗಿದ್ದು ಚಾಕು ಇರಿತದ ಆರೋಪಿ ಪೊಲೀಸರ ಮೇಲೆ ಹಲ್ಲೆಗೆ ಮುಂದಾದಾಗ ಪೊಲೀಸರು ಗಾಳಿಯಲ್ಲಿ ಗುಂಡು ಹಾರಿದ್ದು ಆರೋಪಿಯ ಕಾಲಿಗೆ ಬಿದ್ದಿದೆ.
ಮದ್ಯರಾತ್ರಿ ಅಥವಾ ಬೆಳಗಿನಜಾವ ಮೂರು ಗಂಟೆ ಹೊತ್ತಿಗೆ ಚಾಕು ಇರಿತದ ಆರೋಪಿ ಬಂಧಿಸಲು ಹೋಗಿದ್ದ ವಿನೋಬನಗರ ಎಸ್ ಐ ಮಂಜುನಾಥ್ ಅವರ ತಂಡದ ಮೇಲೆ ಹಲ್ಲೆಗೆ ಮುಂದಾದಾಗ ಈ ಘಟನೆ ನಡೆದಿದೆ.
ಎನ್ ಟಿ ರಸ್ತೆಯ ಫಲಕ್ ಪ್ಯಾಲಸ್ ಬಳಿ ಈ ಘಟನೆ ನಡೆದಿದೆ.
ನಿನ್ನೆ ರಾತ್ರಿ ಬಜಾರ್ ನ ಕಸ್ತೂರ ಬಾ ರಸ್ತೆಯಲ್ಲಿ ಪ್ರೇಮ್ ಸಿಂಗ್ ಗೆ ಚಾಕು ಇರಿದ ಪ್ರಕರಣದಲ್ಲಿ ಪ್ರಮುಖ ಆರೋಪಿಯಾಗಿರುವ ಮಾರ್ನಮಿಬೈಲು ನಿವಾಸಿ ಜಬೀವುಲ್ಲಾ ಯಾನೇ ಜಬೀ (30)ಯನ್ನು ಬಂಧಿಸಲು ಹೋದ ಪೊಲೀಸರ ಮೇಲೆ ದಾಳಿ ನಡೆಸಲು ಮುಂದಾಗಿದ್ದಾನೆ.
ಆತ ದಾಳಿ ನಡೆಸಿ ತಪ್ಪಿಸಿಕೊಂಡು ಹೋಗುತ್ತಿದ್ದ ವೇಳೆ ಎಡಗಾಲಿಗೆ ಗುಂಡು ಹಾರಿಸಲಾಗಿದೆ.
ಮೆಗ್ಗಾನ್ ಆಸ್ಪತ್ರೆ ಜೈಲ್ ವಾರ್ಡ್ ನಲ್ಲಿ ಗೂಳಿ ಜಬೀ ಯಾನೆ ಜಭೀವುಲ್ಲಾನನ್ನು ಸೇರಿಸಲಾಗಿದೆ. ಇಂದು ಬೆಳಗಿನ ಜಾವ ಗುಂಡು ಹಾರಿಸಲಾಗಿದೆ.
