ಶಿವಮೊಗ್ಗ, ಆ.09:
ಮಳೆಯ ಹಿನ್ನಲೆಯಲ್ಲಿ ಮನೆ ಕುಸಿತ ಉಂಟಾಗಿದ್ದು ಮಹಿಖೆಯೋರ್ವರು ಸಾವನ್ನಪ್ಪಿರುವ ಘಟನೆ ನಿನ್ನೆ ರಾತ್ರಿ ಭದ್ರಾವತಿ ತಾಲೂಕು ಕಾಚಿಗೊಂಡನಹಳ್ಳಿಯಲ್ಲಿ ನಡೆದಿದೆ.
ನಿನ್ನೆ ಬೆಳಿಗ್ಗೆಯಿಂದ ಬಿಟ್ಟೂಬಿಡದೆ ಸುರಿದ ಮಳೆಯಿಂದಾಗಿ ಕಾಚಿಗೊಂಡನಹಳ್ಳಿಯಲ್ಲಿ ಸುಜಾತ ಎಂಬುವರ ಮನೆ ಕುಸಿದಿದೆ.
ಮನೆಯಲ್ಲಿದ್ದ ಅವರು ರಾತ್ರಿ ಒಂಬತ್ರರ ಹೊತ್ತಿಗೆ ಊಟಕ್ಕೆ ಕೂರಬೇಕು ಎಂದು ರೆಡಿಯಾಗುವಾಗ ಮನೆಯ ಗೋಡೆ ಕುಸಿದು ಇದ್ದ 55 ವರ್ಷದ ಮಹಿಳೆ ಸುಜಾತ ಸಾವನ್ನಪ್ಪಿದ್ದಾರೆ.
ಮನೆಯಲ್ಲಿ ಐದಾರು ಜನ ಇದ್ದು ಇನ್ಬೊಬ್ಬರ ಮೇಲೂ ಮನೆ ಗೋಡೆ ಬಿದ್ದಿದೆ. ತೀವ್ರವಾಗಿ ಗಾಯಗೊಂಡ ಕೃಷ್ಣಮೂರ್ತಿ ಎಂಬುವರನ್ನ ಶಿವಮೊಗ್ಗದ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.
