ಕಾಲ್ಪನಿಕ ಚಿತ್ರ
ಶಿವಮೊಗ್ಗ,ಜು.09:
ಕಾರು ಚಲಾಯಿಸುವಾಗಲೇ ಚಾಲಕನೋರ್ವ ಹೃದಯಾಘಾತಕ್ಕೊಳಗಾದರೆ ಹೇಗೆ…? ಮಗ್ಗುಲಲ್ಲಿ ಹೋಗುತ್ತಿದ್ದ ವಾಹನ ಸವಾರರ ಪರಿಸ್ಥಿತಿ ಏನು? ಇಂತಹದೊಂದು ದುರಂತದ ಘಟನೆ ಈಗಷ್ಟೇ ನಗರದಲ್ಲಿ ನಡೆದಿದೆ.
ಈ ವೇಳೆ ಚಾಲಕ ಸಾವಿಗೀಡಾದ ಘಟನೆ ಚಾಲುಕ್ಯನಗರದಲ್ಲಿ ಸಂಭವಿಸಿದೆ.
ಮಲವಗೊಪ್ಪ ವಾಸಿ ಬಾಬು ಎನ್ನುವವರು ಸಾವಿಗೀಡಾಗಿದ್ದು, ಅವರು ಕಾರು ಚಲಾಯಿಸುತ್ತಿರುವಾಗಲೇ ಹೃದಯಾಘಾತವಾಗಿದ್ದರಿಂದ ಈ ದುರಂತ ಸಂಭವಿಸಿದೆ.
ಇವರಿದ್ದ ಹೊಂಡಾ ಸಿಟಿ ಕಾರು ನಾಲ್ಕಾರು ವಾಹನಗಳಿಗೆ ಡಿಕ್ಕಿ ಹೊಡೆದು, ಗೋಡೆಯೊಂದಕ್ಕೆ ಡಿಕ್ಕಿಯಾಗಿ ನಿಂತಿದೆ.
ಸ್ಥಳೀಯರು ಅಪಘಾತ ಗಮನಿಸಿ ಕಾರು ಬಾಗಿಲು ತರೆದು ನೋಡಿದಾಗ ಚಾಲಕ ಮೃತನಾಗಿರುವುದು ಕಂಡುಬಂದಿದೆ.
ಕೂಡಲೇ ಮೆಗ್ಗಾನ್ ಗೆ ಶವವನ್ನು ಸಾಗಿಸಲಾಗಿದೆ.
ಟ್ರಾಫಿಕ್ ಠಾಣೆಯಲ್ಲಿ ದೂರು ದಾಖಲಾಗಿದೆ. ಪಕ್ಕದವರು ಅದೃಷ್ಟಾವಶಾತ್ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.
