ಗಂಡನ ಸ್ನೇಹಿತನಿಂದಲೇ ಅತ್ಯಾಚಾರಕ್ಕೆ ಯತ್ನ, ಕೊನೆಗೆ ಬ್ಲಾಕ್ ಮೇಲ್ ಮಾಡಿದಾತನ ವಿರುದ್ದ ದೂರು ದಾಖಲು

ಶಿವಮೊಗ್ಗ, ಜೂ.27:
ಮಧ್ಯರಾತ್ರಿ ಮನೆಗೆ ನುಗ್ಗಿದ ಗಂಡನ ಸ್ನೇಹಿತನೋರ್ವ ವಿವಾಹಿತ ಮಹಿಳೆಯ ಮೇಲೆ ಅತ್ಯಾಚಾರ ನಡೆಸಲು ಯತ್ನಿಸಿರುವ ಘಟನೆ ಸಾಗರ ತಾಲೂಕಿನಲ್ಲಿ ನಡೆದಿದೆ.
ಸಾಗರ ತಾಲೂಕು ಮಾಸೂರು ಗ್ರಾಮದ ಮಹಿಳೆಗೆ ಮಾರುತಿ ಎಂಬುವರ ಪತ್ನಿ ಈ ಸಂಬಂಧ ದೂರು ನೀಡಿದ್ದಾರೆ.
ಇತ್ತೀಚೆಗೆ ದಿಗೇಟಿಕೊಪ್ಪದ ರಮೇಶ್ ಎಂಬಾತ ಮಾರುತಿಗೆ ಪರಿಚಯವಾಗಿ ಆಗಾಗ್ಗೆ ಮನೆಗೆ ಬರಲು ಆರಂಭಿಸಿದ್ದ.

ಈ ತಿಂಗಳ ಮೊದಲ ವಾರದಲ್ಲಿ ಮಾರುತಿ ಕೆಲಸದ ನಿಮಿತ್ತ ಶಿವಮೊಗ್ಗಕ್ಕೆ ತೆರಳಿದ್ದು ಆ ಸಂದರ್ಭದ ಮಧ್ಯರಾತ್ರಿ ರಮೇಶ್ ಮನೆಯ ಹಿಂಬಾಗಿನ್ನ ಒಡೆದು ಮನೆಯ ಒಳಗೆ ನುಗ್ಗಿ ಮಾರುತಿ ಪತ್ನಿಯ ನೈಟಿ ಹರಿದು ಅತ್ಯಾಚಾರಕ್ಕೆ ಮುಂದಾಗಿದ್ದಾನೆ.
ಈ ವೇಳೆ ಮಾರುತಿ ಪತ್ನಿ ಕಿರುಚಿಕೊಂಡಿದ್ದು ಅಕ್ಕಪಕ್ಕದ ಮನೆಯವರು ಹೊರಬಂದಿದ್ದಾರೆ.
ಈ ವೇಳೆ ರಮೇಶ್ ಮಹಿಳೆಯ ಫೊಟೊ ತೆಗೆದುಕೊಂಡು ಪರಾರಿಯಾಗಿದ್ದಾನೆ. ಮಾರುತಿ ಶಿವಮೊಗ್ಗದಿಂದ ವಾಪಾಸ್ ಆದ ನಂತರ ರಮೇಶ್ ನಡೆದುಕೊಂಡ ರೀತಿಯನ್ನ ಪತಿಗೆ ತಿಳಿಸಿ ಪೊಲೀಸ್ ಠಾಣೆಗೆ ದೂರು ನೀಡಲು ಮುಂದಾಗುತ್ತಾರೆ.
ಆದರೆ ಕಿಲಾಡಿ ರಮೇಶ್ ಇವರಿಗೆ ಕರೆ ಮಾಡಿ ಪೊಲೀಸ್ ಠಾಣೆ, ಅಥವಾ ಬೇರೆಯವರಿಗೆ ತಿಳಿಸಿದ್ದಲ್ಲಿ ಮಹಿಳೆಯ ಫೊಟೊಗಳನ್ನ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಮಾಡಿ ಮಾನ ಹರಾಜು ಹಾಕುವುದಾಗಿ ಬೆದರಿಸಿದ್ದಾನೆ. ಮಹಿಳೆಯೊಂದಿಗೆ ಸಂಬಂಧ ಇರುವುದಾಗಿ ಪ್ರಚಾರ ಮಾಡುವುದಾಗಿ ಧಮ್ಕಿ ಹಾಕಿದ್ದಾನೆ.

ಇದಾದ ಬಳಿಕ ರಮೇಶ್ ಮಹಿಳೆಗೆ ನಾನು ಕರೆದಲ್ಲಿ ನೀನು ಬರಬೇಕು ಎಂದು ಬ್ಲಾಕ್ ಮೇಲ್ ಮಾಡಲು ಆರಂಭಿಸಿದ್ದಾನೆ. ಈ ಬಗ್ಗೆ ಮಾರುತಿಯ ಪತ್ನಿ ಗ್ರಾಮಾಂತರ ಠಾಣೆಯಲ್ಲಿ ನಿನ್ಬೆ ರಮೇಶ್ ವಿರುದ್ಧ ಎಫ್ಐಆರ್ ದಾಖಲಿಸಿದ್ದಾರೆ.