ಕೆರೆಯ ಮೀನಿನ ಬಲೆಗೆ ಸಿಲುಕಿಬಿದ್ದ ಬೃಹತ್ ನಾಗರಹಾವಿನ ರಕ್ಷಣೆ..!

ಶಿವಮೊಗ್ಗ, ಜೂ. 26:
ಶಿವಮೊಗ್ಗ ತಾಲೂಕಿನ ಸುತ್ತುಕೋಟೆ ಗ್ರಾಮದ ಕೆರೆಯಲ್ಲಿ ಮೀನುಗಳು ಹೊರ ಹೋಗದಂತೆ ಹಾಕಲಾಗಿದ್ದ ಬಲೆಗೆ, ಬೃಹದಾಕಾರದ ನಾಗರಹಾವೊಂದು ಸಿಲುಕಿ ಬಿದ್ದು, ಜೀವನ್ಮರಣದ ನಡುವೆ ಹೋರಾಟ ನಡೆಸುತ್ತಿದ್ದ ಘಟನೆ ನಡೆದಿದೆ.
ಹಾವನ್ನು ಗಮನಿಸಿದ ಸ್ಥಳೀಯರು ಉರಗ ಸಂರಕ್ಷಕ ಸ್ನೇಕ್ ಕಿರಣ್ ಅವರಿಗೆ ಮಾಹಿತಿ ರವಾನಿಸಿದ್ದರು. ಸ್ಥಳಕ್ಕಾಗಮಿಸಿದ ಕಿರಣ್ ಅವರು ಸುರಕ್ಷಿತವಾಗಿ ಹಾವನ್ನು ಸಂರಕ್ಷಿಸಿದ್ದಾರೆ.

ಕೆರೆಯಿಂದ ಮೀನು ಹೊರ ಹೋಗದಂತೆ ಹಾಕಲಾಗಿದ್ದ ಬಲೆಗೆ ಹಾವು ಸಿಲುಕಿ ಬಿದ್ದಿತ್ತು. ಬಲೆ ಕತ್ತರಿಸಿ ಸುಮಾರು 5 ಅಡಿ ಉದ್ದದ ಹಾವನ್ನು ಸಂರಕ್ಷಿಸಲಾಗಿದೆ ಎಂದು ಸ್ನೇಕ್ ಕಿರಣ್ ಅವರು ಸುದ್ದಿಗಾರರಿಗೆ ತಿಳಿಸಿದ್ದಾರೆ.