ಶಿವಮೊಗ್ಗ, ಆ.17: ಕೊವಿಡ್ 19 ಕೊರೊನಾ ಕಿರಿಕ್ ಶಿವಮೊಗ್ಗ ಜಿಲ್ಲೆಯಲ್ಲಿ ಭಯ ಹುಟ್ಟಿಸಿದೆ. ಸಾವಿನ ಸಂಖ್ಯೆ ನಿರಂತರ ಹೆಚ್ಚುತ್ತಿದೆ. ಗಾಬರಿಯ ಸತ್ಯ ಏನೆಂದರೆ ಶಿವಮೊಗ್ಗ ತಾಲೂಕಿಗಿಂತ ಸಿ.ಎಂ. ಕ್ಷೇತ್ರದಲ್ಲಿ ಕೊರೊನಾ ಆರ್ಭಟಿಸುತ್ತಿದೆ.
ಇಂದಿನ ಜಿಲ್ಲಾ ವರದಿ
ಶಿವಮೊಗ್ಗ ಜಿಲ್ಲೆಯಲ್ಲಿ ಇಂದು ಕೊರೊನಾ ಎಂಬ ಕಿರಿಕ್ ನಲ್ಲಿ 223 ಪಾಸಿಟಿವ್ ಪ್ರಕರಣ ಕಾಣಿಸಿಕೊಂಡಿದೆ. ಇದರಿಂದ ಜಲ್ಲೆಯ ಒಟ್ಟು ಸೋಂಕಿತರ ಸಂಖ್ಯೆ 4766 ಎಂದು ಜಿಲ್ಲಾ ಹೆಲ್ತ್ ಬುಲಿಟಿನ್ ಪ್ರಕಟಿಸಿದೆ.
ಇಂದು ಸಹ ಸೋಂಕಿನಿಂದ 2 ಜನ ಸಾವುಕಂಡಿದ್ದು, ಇದರಿಂದ ಜಿಲ್ಲೆಯಲ್ಲಿ ಒಟ್ಟು ಸಾವಿನ ಸಂಖ್ಯೆ 79 ಕ್ಕೇರಿದೆ. ಜಿಲ್ಲೆಯಲ್ಲಿ ಇದುವರೆಗೂ 43797 ಜನರಿಗೆ ಕೊರೋನ ಪರೀಕ್ಷೆಗೆ ಒಳಪಡಿಸಲಾಗಿದ್ದು, 34849 ಜನರಿಗೆ ನೆಗೆಟಿವ್ ಎಂದು ವರದಿ ಬಂದಿದೆ.
ಇಂದು 50 ಜನ ಸೋಂಕಿನಿಂದ ಗುಣಮುಖರಾಗಿ ಮೆಗ್ಗಾನ್ ಮತ್ತು ಕೋವಿಡ್ ಕೇರ್ ಸೆಂಟರ್ ನಿಂದ ಬಿಡುಗಡೆಗೊಂಡಿದ್ದಾರೆ.
ಭದ್ರಾವತಿ 55, ಶಿಕಾರಿಪುರ70, ಶಿವಮೊಗ್ಗ 55, ತೀರ್ಥಹಳ್ಳಿ 09, ಹೊಸನಗರ 06, ಸೊರಬ 11 ಕೊರೊನಾ ಸೋಂಕಿನ ಪ್ರಕರಣಗಳು ಕಂಡುಬಂದಿವೆ.
ನಿರಂತರ ಮಾಹಿತಿ ಗಮನಿಸಿದಾಗ ತಿಳಿದ ಸತ್ಯ ಇದು.
