ಅಂತೂ ಶಿವಮೊಗ್ಗ ಡಿವೈಎಸ್‌ಪಿಯಾಗಿ ಬಾಲರಾಜ್ ಅವರು ಇಂದು ಅಧಿಕಾರ ವಹಿಸಿಕೊಂಡರು. ಖಡಕ್ ಅಧಿಕಾರಿ ಎಂದೇ ಕರೆಸಿಕೊಂಡಿರು ಬಾಲರಾಜ್ ಅವರ ಈ ಆಗಮನ ಶಿವಮೊಗ್ಗದ ಕೆಲವರಿಗಂತೂ ನಿದ್ದೆ ಕೆಡಿಸಿದೆ.
ಕಳೆದ 12ದಿನಗಳ ಹಿಂದೆಯೇ ವರ್ಗಾವಣೆ ಮಾಡಿ ಸರ್ಕಾರ ಆದೇಶ ಹೊರಡಿಸಿದ್ದರೂ ಕೆಲ ಅಡೆತಡೆಗಳ ನಡುವೆ ಇಂದು ಬಾಲರಾಜ್ ಅವರು ಅಧಿಕಾರ ವಹಿಸಿಕೊಂಡರು.
ಶಿವಮೊಗ್ಗ ಜಿಲ್ಲೆಯ ಆಳ ಅಗಲ ಬಲ್ಲ ಅಧಿಕಾರಿ ಬಾಲರಾಜ್ ಬಂದಿರುವುದಕ್ಕೆ ಜಿಲ್ಲೆಯ ಶಾಂತಿಪ್ರಿಯರು ಸ್ವಾಗತಿಸಿದ್ದಾರೆ
ಬಾಲರಾಜ್ ಅವರು ಬೆಂಗಳೂರಿನ ಸಿಸಿಬಿ ಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದರು. ಎನ್ ಕೌಂಟರ್ ಸ್ಪೆಷಲಿಸ್ಟ್ ಆಗಿರುವ ಬಾಲರಾಜ್ ಅವರು ಶಿವಮೊಗ್ಗದಲ್ಲಿ ರೌಡಿಗಳ ಎಡೆಮುರಿ ಕಟ್ಟಿದ್ದರು ಹಾಗೂ ನಕ್ಸಲ್ ಚಟುವಟಿಕೆಯನ್ನು ತಲೆಯತ್ತದಂತೆ ಮಾಡಿದ್ದರು.
